तिलोत्तमा, माघ २३ गते २०८०। तिलोत्तमा नगरपालिकाको आनन्दबन स्वास्थ्य चौकीमा सञ्चालन गरिएको १ दिने आँखा शिविरमा १ सय ९३ जना ज्येष्ठ नागरिकको आँखाको चेकजांच तथा उपचार गरिएको छ । आनन्दबन स्वास्थ्य चौकीका इन्चार्ज तथा स्वास्थ्य अधिकृत ज्ञानु प्रसाद पौडेलका अनुसार स्वास्थ्य चौकीमा आँखा शिविर सञ्चालन हुँदा यस क्षेत्र वरपरका ज्येष्ठ नागरिकहरुलाई सुबिधा भएको जानकारी दिनुभएको छ।
आँखा शिविर सञ्चालन हुँदा ज्येष्ठ नागरिक र शारीरिक अशक्त भएका नागरिक लाभान्वित भएका छन् । शिविरमा आँखाको शल्यक्रिया गर्नुपर्ने सबै बिरामीहरूको नि:शुल्क लायन्स आँखा अस्पतालमा गरिने तिलोत्तमा नगरपालिका वडा नम्बर-६ का अध्यक्ष गणेश पाठकले बताउनुभयो। शल्यक्रिया गर्नुपर्नेमा ७० देखि माथिका रहेका छन् ।शिविरमा १ सय ९३ जनाको आँखाको परीक्षण र १ सय ५० जनालाई आवश्यकता अनुसार चस्मा समेत उपलब्ध गराइएको वडा अध्यक्ष पाठकले बताउनुभएको छ ।
